ТУТЫРЫ ГУЫРД

ТУТЫРЫ ГУЫРД
Тутыры къуырийы бонты стыр уаз мидис æвæрдтой ирон адæм. Сæ ахсджиаг хъуыддæгтæ, сæ лыгкæнинаг фарста дæр æвæрдтой уыцы бонтæм. Æмæ сыл-иу хъæуы ныхасы иумæ æрсагъæс кодтой бæрнондæрæй. Уыцы бонты рахаст уынаффæтæ, бафæдзæхст хъуыддæгтæ æнæмæнг æххæстгæнинаг уыдысты. Уæлдай кадджындæр, номхæссæндæр уыдысты Тутыры къуырийы гуырд уæнгуытæ, галтæ. Хуыдтой сæ фæразондæр, тыхджындæр. Уыцы уаг фæзынд нæ адæмон сфæлдыстадыл дæр. Кадæг «Сослан æмæ Уырызмæджы» Азны адæм Нартæй бацагуырдтой хъалон каркæй бæхмæ сæдæгæйттæй, Тутыры гуырд галтæ та æрмæст дыууæ. Уымæй дæр сын æфсондз хъуамæ уа залгъæдæй. Кадæг «Батрадзы мæлæт»-ы зæдтæ æмæ дауджытæ Батрадзыл Хуыцауы зондæй куы фæуæлахиз вæййынц, куы йæ амарынц, уæд сын загъта: «Ацæут æмæ йæ уæларв Софиайы зæппадзы бавæрут!» Уыдон ыл сифтыгътой дыууадæс цæды галтæ, фæлæ никуы æмæ ницы — фенкъуысын кæнын дæр сын нæ комы.
Бамидæг та сты зæдтæ æмæ дауджытæ Хуыцаумæ, æмæ сын Хуыцау загъта:
Ацæут æмæ йыл Тутыры гуырд дыууæ уæныджы сифтындзут.
Сифтыгътой йыл Тутыры гуырд дыууæ уæныджы, æмæ уыдон дыууадæс цæды галæй тыхджындæр разындысты — Софиайы зæппадзмæ йæ сластой.

Словарь по этнографии и мифологии осетин. 2014.

Поможем сделать НИР

Смотреть что такое "ТУТЫРЫ ГУЫРД" в других словарях:

  • ТУТЫРТÆ — Тутыры номыл ирон адæм бæрæгбон кодтой Стыр комбæттæны фыццаг къуыри. Уыцы къуыри хуыйны «Тутыры къуыри». Йæ фыццаг æртæ боны уыдысты уæлдай карздæр марходарæн æмæ фæдзæхсæн бонтæ. Къуырисæры иу бон изæрмæ лæгтæ ком дардтой Уастырджийы номыл,… …   Словарь по этнографии и мифологии осетин

  • Т — А Æ Б Г Д Дж Дз Е З И Й К Къ Л М …   Словарь по этнографии и мифологии осетин

  • БАТРАДЗ — тж. БАТРАЗ Нæртон мыггаг Æхсæртæггатæй. Болатрихи Хæмыцы болат æмæ æндонриу фырт, йæ дыууæ уæны астæуæй гуырд. Йæ мад – Быценон. «Нартæн сæ тæккæ хъаруджындæр, – фыссы Нигер, – æппындæр аипп кæмæ нæ арынц Нарт, уыцы болат Батрадз. Лæгæй лæгмæ… …   Словарь по этнографии и мифологии осетин

  • АЗН — Кадæг «Сослан æмæ Уырызмæджы» (В. Миллеры фыст) Азн у Нарты знаг. Сæ æдыхы рæстæг сыл хъалон сæвæрдта: карк кæмæ ис, уымæй сæдæ карчы, фос кæмæ ис, уымæй сæдæ фысы, хъуг кæмæ ис, уымæй сæдæ хъуджы, гал кæмæ ис, уымæй сæдæ галы, бæх кæмæ ис, уымæй …   Словарь по этнографии и мифологии осетин

  • Тутыр — см. Тутыр – перевод Тутыр – сæйрагдæр дзуæрттæ æмæ дауджытæй иу ирон мифологийы – бирæгъты бардуаг, фосдарджытыл аудæг дзуар. Дыгурон мифологийы Тутыр иннæ дзуæртты ‘хсæн æвдыст цæуы адæмы хъуыддæгтыл зилæджы хуызы. Хæдзарон фосы æдасдзинад… …   Словарь по этнографии и мифологии осетин

  • МАДЫ ЗÆД — тж. МАДИЗÆН, МАДЫ МАЙРÆМ, Мады Майрæм Ирон мифологийы мадæлты, цот кæныны æмæ цотыл аудæг сылгоймаг бардуаг. «Мады зæд Мадизæн нæ фыдæлтæм нымад уыди Хуыцау æмæ Уастырджийы фæстæ æппæты стырдæр, ахъаззагдæр, сыгъдæгдæр æмæ кадджындæр зæдыл фыссы… …   Словарь по этнографии и мифологии осетин


Поделиться ссылкой на выделенное

Прямая ссылка:
Нажмите правой клавишей мыши и выберите «Копировать ссылку»